قصة مجنون سارة

في السادسه صباحا، صحت ساره من النوم، على صوت المنبه، وقامت بتثاقل بعد سهر ليل طويل، قضته بالمذاكره، فهي في اخر سنه لها في الثانويه ......
نزلت ساره للافطار مع والديها......

ساره: صباح الخير يا اعز واغلى ام واب بهالدنيا....

الاب: صباح النور يابنيتي عسى استعديتي زين للامتحان....

الام: شدي حيلك يا بنيتي عشان تفرحينا وتدخلين الجامعه..

الاب: ترى الجامعه هالايام دخولها مو سهل ما يقبلون الا الي نسبهم عاليه....

سارة: ادعولي اني انجح ... ترى اليوم اخر يوم بالامتحان....

الام: والله اني ادعيلك يابنيتي من كل قلبي.. عسى الله يوفقك ...

سارة: اميييييييييين يالله مع السلامه ...

الام: تعالي وين رايحه السواق مو موجود قومي اخوك يوصلك..

سارة: ليه وينه من الصباح...

الاب: انتي ناسيه ان عبدالله اخوك صدم بالسيارة امس ....

سارة: ايه صحيح تذكرت...
جيــل اخر زمن حتى سيارة العائله ما سلمت منه ..

ركضت سارة لغرفه اخوها ... عشان تقومه...

عبد الله اخو ساره الكبير وهو موظف في شركه اجنبيه
وسيم طوله فارع وعريض المنكبين

اما ساره فهي طالبه بالثالث ثانوي
جميله جدا رقيقه بيضاء البشره شعرها طويل

طقطق
ساره: عبوود يالله قوم وصلني..

عبد الله: شنو اوصلك ليكون انا سواقكم الجديد
وين السواق خليه يوديك..

ساره: انت ناسي انك صدمت بالسياره امس..
قوم يالله لاتأخرني وراي امتحان..

عبد الله: انا بعد وراي دوام..
انتظريني تحت مارح اطول عليك اعوذ بالله ازعاج من الصباح....

سارة: يمه منك لا تطول علي..


وصلت ساره الى المدرسه..
وكم كانت فرحتها تشع عندما تتذكر ان اليوم اخر يوم
بالامتحان..

خلود: صباح الخير...

ساره : هلا والله صباح النور..

خلود: ها عسى ذاكرتي زين..

سارة: ايه الحمد لله ماشي الحال..

وقعدوا شوي يسولفون وشوي يذاكرون...
الى ان رن الجرس...

خلود: يالله رن الجرس خلينا ندخل ونخلص من الهم..

سارة:: اوكي..

خلود تصير بنت عمه سارة و هم كأنهم خوات متعلقين ببعض كثير
وخلود حساسه رقيقه المشاعر ذكيه جدا وجمالها هادئ طفولي..
وفي قاعه الامتحان....
بعد ان انتهت ساره من حل الاسئله... احست بالنعاس..
فذهبت في نوم عميق... وصحت على صوت المراقبه وهي تحاول ايقاظها جاهده
وضحكات البنات من حولها....
وعند الخروج من القاعه.... لم تسلم من تعليقاتهن اللاذعه....

خلود: ها شسويتي بالامتحان ... يقولون نمتي...
ههههههههههههههههههههههههه

ساره: ههههههههه قالوا لك ايه والله اخذت لي غفوه...

هههههههههههههههههههههههههههه

ساره: اقول خلود ايش رايك نطلع السوق اليوم
ايش رايك نروح المملكه يقولون في شغلات حلوه منزلينها....

خلود: ايه والله صار لنا اسبوعين ما طلعنا ....
موافقه ايش رايك تمرين علي......

ساره: لا افضل انتي تمرين....
لان الاخ عبد الله صدم بسيارتنا امس
ومثل ما انتي عارفه لازم يحط بصمته بكل شئ

خلود: عادي يحق له، اهم شئ ما صار فيه شئ...

ساره: اقول امشي ما تبين تروحين البيت..

خلود: ايه صحيح تاخرنا...

وافترقتا على اتفاقهما..........

دخلت خلود البيت....

خلود: يمــــــــــــــــــــــــــــ ــــــــــــــه خلصنا امتحانات اخيرا
هم وانزاح عن قلوبنا..........

ام خالد: شوي شوي يابنيتي روعتيني.......

خالد: ليه ما تدرين ان بنتك رجه ومصفوقه.....

خلود: يا زينك وانت ساكت....

خالد: ما الومك الظاهر ان هذا تاثير المتحانات...

خلود: اسكت بس.... ايه تذكرت اتفقنا انا وسارة نروح المملكه اليوم..
بعد صلاه العصر ...

ام خالد: بس السواق ابيه انا اليوم..

خلود: الله يخلي لي اخوي بيوصلني اليوم..

خالد: ايه تامرين.... من عيوني... انا كم خلود عندي.....

خلود وهي فاتحه عيونها من الدهشه....

خلود: ايه كل هذا مو عشاني ادري عشان ناس في بالي....

نسيت اعرفكم على خالد... خالد موظف مع ولد عمه عبدالله بنفس الشركه
وهم اعز من اخوان تربوا مع بعض في بيت جدهم الله يرحمه فصله ترابطهم وثيقه جدا
وهو وسيم طويل جدا مرح وحبوب ويحب يمزح كثييييييييير...


بعد صلاه العصر....

رن هاتف ساره المحمول...

سارة: هلا خلود..

خلود: يالله احنا تحت انزلي بسرعه..

ساره :يالله 5 دقايق وانا عندك..

طلعت سارة من البيت بسرعه

لتنصدم عندما ترى من في السياره....
نعم.. لقد رأت ابن عمها خالد في السياره..

دهشت لان خلود لم تخبرها بوجوده.. وساره بطبيعتها تخجل من ظل خالد

فما بالكم اذا راته وهي اذا ذهبت لمكان وعلمت بوجوده فيه ترجع من حيث اتت

كانت تخجل منه بشكل جنوني مع انه ولد عمها وفي مقام اخوها الكبير
وهمت بالرجوع الى الخلف لتعود ادراجها لكن توقفت وهي تحدث نفسها قائله:
سأذهب وساتحدى نفسي فلن يمنعني وجوده من الاستمتاع في التسوق...
وقررت الركوب .. ركبت خلف خلود وهي تتوعدها في نفسها على هالموقف اللي حطتها فيه...

سارة: السلام عليكم..

خالد وخلود: وعليكم السلام..

سارة: عسى بس ما طولت عليكم..

خلود: بالنسبه لي لا ما تأخرتي بس السواق مدري عنه..
هههههههههههههههه

خالد: بدينا .. اقول احسن لك لا تتحرشين فينا
والا برجعك البيت .. فاهمه..

خلود: ما تقدر ترجعني...

خالد: وليه واثقه اني ما اقدر...

خلود: لانك ما رح تنال اللي في بالك .... اقصد بنزل سارة معي وبنتسلى انا وياها بالبيت...

خالد: احسن بعد وانا اروح اشوف اشغالي...

سارة تضحك بصمت وتقول في نفسها مسكينه خلود خالد ياخذها على قد عقلها
هههههههههههههههههههههههههههههه ههههههههههههههههههه

خالد: ساره وينك نايمه انتي ما سمعنا صوتك معانا...

سارة:......................... ....

خلود: ماتعرفها خجوله منك
ايه صحيح على طاري نايمه ما دريت ساره اليوم نامت بالقاعه
والمراقبه مسكينه تحاول تقومها يالله قامت تدري فيها نومها ثقيل.........

خالد: ههههههههه الله يحرجك احرجت البنت...

سارة وهي تصارخ: من حقي والله سهرانه طول الليل اذاكر وبعدين.....

خلود وخالد:هههههههه اوه شكلها انفجرت....

ساره انتبهت لعمرها وهي تصارخ فسكتت...

خالد: بس يالله عاد عن الهواش وصلنا.....

خلود: لايكون بتنزل معانا...

خالد: اجل تبيني اخليك والسوق كله شباب....

ساره تقول في قلبها ايش هالزقه مسوي نفسه خايف علينا
اللــــــــــــــه يعيــــــــــــــــن...

في المجمع.....

خالد: ايش رايكم تروحون تتسوقون وانا بنتظركم بالكوفي شوب.....

خلود: ايه افضل بعد... عشان ناخذ راحتنا..... تعرف ما نحب اللزقه....

خالد وهو مطنش: تبون فلوس والا معاكم...

خلود: ايش هالكرم اللي نازل عليك لا معنا... مشور ان قصر علينا شئ بنطلبه منك.......

خالد: ساره ما رديتي...

سارة: ...........................

خالد: يعني مصره على السكوت......

خلود: ما ادري متى ربي بيفتح علينا و تخف من خجلها منك شوي...

سارة سحبت خلود بقوه ....

خلود: اي وجع شوي شوي علي...

سارة: احسن انتوا بتسووون لي محاضرة...
يالله امشي خلينا ندور شوي....

خلود: لحظة لحظة نسيت اقول لخالد شئ....
خلود وهي تلتفت لخالد: اووووووه شوفي منو قاعد يكلم خويلد....

سارة: منو بعد اكيد واحد من ربعه... وانتي شعليك....

خلود: ايش رايك فيه..

سارة: حلو ما شاء الله على اخوك ما يصاحب الا اللي حلويين مثله....

خلود: اقولك منهو...

سارة: تعرفينه بعد!!!!

خلود: هذا ولد خالي محمد...

سارة: افا عند ولد خال بها لجمال ولا تعلميني..

خلود: اعجبك لها الدرجه ايه صحيح هو وسيم...

ساره: كلمه وسيم قليله...

خلود: امشي بس شكله انتبه لنا ....

سارة: ايه صحيح شكلنا واحنا واقفين كذا غلط...

نرجع لمحمد وخالد...

محمد: خالد معاك احد من العائله...

خالد: ايه والله معي خلود وبنت عمي ساره...

محمد: اجل يالله لا اعطلك .....

خالد: اقول تعال انا معطيهم الاذن يروحون يتسوقون ساعه ويردون
اجلس يا اخي معاي من زمان ماشفتك وسمعت سوالفك...

محمد: اجل يالله الكابتشينو على حسابك..

خالد: انت تأمر....
نرجع لساره وخلود.... اثناء تسوقهم.....

ساره: يــــووووه بكرة الشهادات والله اني خايفه من النتيجه...

خلود: الله يهديك انتي بس ومين جاب طاريها الحين احنا الحين طالعين نتسوق
لاتنكدين عينا....

ساره: اوكي خلاص انسي اللي قلته وبعدين المفروض اننا شرينا ملابس للسفر
تعرفين عمي وابوي ما يقولون لنا الا قبلها بيوم....

خلود: ايه صحيح زين ذكرتيني...

وبعد ساعه جاء خالد.....

خالد: ها خلصتوا والا باقي شئ...

خلود: لا ما خلصنا باقي شويه اغراض...

خالد: وانتي ياساره خلصتي...

ساره:.........................

خلود: لا باقي ما خلصت ....

خالد: وانتي في احد موكلك محاميه عنها....

خلود: ليه ما انفع....

خالد: لا ما تنفعين...

خلود: اقول روح روح عند محمد وخلينا نكمل اغراضنا اللي ناقصه....

خالد: ايه صحيح نسيته في الكوفي شوب... شوفوا اسمعوني زين ... عند اذان المغرب بنتظركم تحت عند البوابه مفهوم...

خلود: حاضر من عيوني بس انت فارق....

ورجع خالد عند محمد....

نعرفكم على محمد
محمد ولد خال خالد وهم اصحاب الروح بالروح
محمد يدرس في الجامعه بالخارج
طوله وسط ،، جسمه رياضي ،، و مرح وصاحب مقالب ....

وصل خالد لمحمد وقعد وهو يكلم نفسه..........

خالد: اموت واعرف ليش ما ترد علي!!!1

محمد: منو هذي اللي ما ترد عليك...

خالد: سمعتني!! مو شغلك.....

محمد: أفا تخبي علي وين الصداقه اللي بينا....

خالد: اقول لا تقعد تحن على راسي مثل الحريم...

محمد: يعني ما تبي تقولي منو هذي...

خالد: لا طبعا مارح ارتاح لين ما اقولك
اذا ما قلت لك اقول حق منو ....

محمد: ايه هذا صاحبي اللي اعرفه يالله قول خلصني....

خالد حكى له سالفه خجل ساره منه...

محمد: هههههههههههههههههههههههه
من جد تتكلم غريبه ..... مع ان ما في بنات يستحون هالايام....

خالد: مو هذا اللي رافع ضغطي.. لما اكلمها ما ترد علي ... كأني اكلم جدار.....
ولا حتى تنطق بحرف واحد....

خالد: جربت كل الطرق ومنها اوجه لها الكلام مباشره وما نفع...


محمد: ههههههههههههه الله يعينك.....

وقعدوا يسولفون الى اذان المغرب....

وفي هالوقت كانوا ساره وخلود ينتظرونه عند البوابه...

خالد: يالله عن اذنك اكيد الحين ينتظروني...

محمد: وين بوصلك عندهم ومنها اشوف بنت عمك الخجوله
هههههههههه

خالد: خلك مكانك احسن لك....

محمد: ههههه اوكي بوصلك وبغض البصر ههههههه

خالد: تكفى ياشيخ مو عوايدك
يالله كسرت خاطري تعال معي ....

ننتقل لساره وخلود:

ساره: اوووه اشفيه اخوك تأخر...

خلود: بيجي لا تخافين عليه شوي واهو عندنا ....

وفي هذه الاثناء جاء خالد ومعاه محمد ..........