كان يامكان هم فيعتيگ الزمان ساحرة بس شنو چانت وصلة مو طبيعية حاتة يعني من ذوله الي يعجبون هايالساحرة چان عدهة قصر چبير فوگ جبل وحرس وكله صبات كونكريتية يم القصر وعالگتهةوچان عدهة مراية من هاي ام 20 دولار كرستال مو من هاي ام 1250 الي يبيعوهة ابابالشرجي وچانت من توكف گدام المراية يطلع جني تسأله لو تطلب منة شغلات روح اتسوكليروح حضر الموكب اريد اطلع روح جيبلي ريحة من فرنسا يعني فد شي منفلق بس هية شنومتعودة يومية تغسل وجهة وتحط حمرة وكحلة ومسكارة من هاي الغالية وتوكف كدام المرايةوتكله للجني منو احلى وحدة بالكون وهوة دائما من حلاتهة تحول عينة ويتلوكلهةويكللها شي عادي انتي احله وحدة بالكون... كالعادة مرة همين وكفت مثل كل يوم بس نستتحط مسكارة فسألته منو احلة وحدة بالكون يويل چان يكللها لتكولين يويل اني ما اشتغليم الخلفوچ ....اخ اخ تخبلت انجنت هذا شبي شخبلة اليوم اشو يومية يتلوك بس اليوماشو شايل خشمة فكلتة منو احلة وحدة بالكون فمجاوبهة چان تكلة ولك متحجي شبيك منواحلة وحدة بالكون صفن چان بعدين يكللها مو انتي چان تكله لا بالله جان يكللها بكيفجلتصدكين اذا صدكتي لو مصدكتي اني شعلية .... فعافتة وراحت كالت هذا مبين علي مكبسلخلي باچر اجيلة بلكي يصحة وهم يمكن المسكارة لان مخليتها مأثرة ....ثاني يوم كعدتمن الصبح غسلت ولبست بدي ابو التعلاگة وتنورة اله حصر وخلت كلشي حمرة على مسكارةعلى كريم اساس يعني لبخ و وگفت گدام المراية فكلتلة للجني هااا منو احلى وحدة ... چان يكللها انتي صدك ثولة يعني شنو متسمعين لو هبلة البارحة اني مو كتلچ مو انتي لوهية دودة.... داخت من الصدمة ورادت توگع لوما النخلة يمهة انتچت عليهة مع العلم انههي بالغرفة مال نوم ... جان تكله زين منو هية وين ساكنة بالبداية مقبل يكللها بسكلتله اذا تكلي اطلعك وياية لقبرص چان يقبل فگللها اسمهه قطر الندى چان تكله هايشلون گايلة گللها اتشگ شگ فگلتلة هسة چفيني شرك وروح يالله ...راح الجني وگعدتالساحرة تفكر شتسوي شتسوي فصاحت على المرافقين والحماية والمساعدين وگلتلهم لازمتعرفولي وين تسكن هاي قطر الندى راحوا سألوا واندلوا البيت فدلوها فگلتلهم شلوناخلص منها فأبوا الحراسة مالتهة كاللها انداهمها بالليل ونجيبهة نعذبهة ونبسطهةونتشاقة وياهة بالدريل شوية ونگتلهة بعدين فكلتلة الساحرة انچب حتى الكل يدرونوننفضح چان واحد من الخدم يكللها اني عندي قاتل مأجور خلي اندزة يكتلهة بالليل ومحدميدري صفنت بالبداية داورتها بينها وبين نفسها چان تگلة جيبة هذا هم الخادم مچذبخبر راح جابة واجه فگلتلة الساحرة روح اكتلهة وتعال بس لتنسة اتجيبلي گلبها دليلحتى اصدگ فگللها القاتل اي عمتي مو تتدللين ... راح القاتل بالليل لگاها گاعدةبالحديقة مال بيت دتدخن لا شنو تدخن بعدها صغيرة لا لا گاعدة تشرب حليب فطفر عليهايريد يكتلها ففزت چان تگلة يمة شبيك چان يگللها اريد اكتلج چان يوگع الكوب من ايدهةخطية وگامت تبچي لا عمو الله يخليك ليش تكتلني اني والله ممسوية شي زين اقرة هويتياني والله مسيحية لا سنية ولا شيعية مالي علاقة بالوضع چان ينقهر عليهة لان عندةجهال وميرضاهة ضميرة يكتل جاهلة فأتفق وياهة يفلتهة بالغابة ويودي قلب مال صخلةللساحرة على اساس قلبها وقطر الندى هم مچذبت خبر وطفرت للغابة بس شنو چانت تطكطك منالخوف لان دنية ليل وظلمة وصوت رمي وعلاسة تخاف لي لزموهة المهم صار الفجر وهية تدگمشي بالغابة جان تشوف من بعيد كوخ راحتلة وبهاي الاثناء راح القاتل للساحر والگلبمال صخلة وياه فشافتة الساحرة چان تگله ها حمامة لو غراب جان يگللها صخلة چان تكلةصخلة شنو فكللها لا عمتي حمامة حمامة طبعا وانطاها الگلب وشليع للبيت ....
ونرجع لقطر الندى مو شافت البيت دخلتلة لكت ماكو احد والبيت مخربط اووصخ وكلشي بي صغير حتة القريولة عبالك كريكوت مال جهال داخت وكالت معقولة هذا بيتمال جهال المهم نظفته وطبخت وجابت حطب
... فنعست ورادت تنام فگامت تدور على هدومتلبسها قبل متنام ففتحت الكنتور جان تشوف بنطلون طولة شبر چان يفتر الديلكو عدهةشنو السالفة گالت يالله خلي البسة واسوّي شورت احسن من ما البس شي وبعدين عيب خافيجي احد المهم لبسته ونامت .... بس هذا البيت هوة مو مال جهال لا مال اقزام عددهمسبعة ويطلعون من الفجر يشتغلون وميرجعون لليل فخلصوا شغلهم كالعادة ورجعوا للبيتفمن فاتوا للبيت گال واحد منهم اگول ياجماعة گلوله شكو گال ترة البيت هذا يمكن مومالتنة گالولة اهووو من التعب انتة گمت اتخربط امشي وخر انت زمال چان يكللهم تعالواشوفوا فاتوا لا والله صدك الحجي مالتة فكاموا يدورون بالغرف حتى يشوفون خاف اكو احد ...فواحد منهم صاح ولكم تعالوا اجوي يركضون لك ها شبيك جان يكللهم لكم بغرفتي حاتةجبيرة حيل حيل بس شنو تخبل تدوخ فهمّة يخافون يفوتون چان يمدون راسهم من البابوگاموا يباوعون چان يگلوله لك اي والله هاي حاتة بس هاي منو اشجابهة هنا فواحد منهمعثر و وگع فكلهم وگعوا فصار صوت طبة فحست من النوم چان تشوفهم وتفز فكالت اللهم صليعلى محمد. اعوذ بالله هاي شنو الجوگة مال مزعطة جان يگلولها ياله عيني احسن منمتقلدين انتي اشجابچ البيتنة فحچتلهم القصة بالبداية مقبلوا تظل يمهم بس بعدينگالوا يالله تفيد تنظف وتطبخنة وهم حاتة حلوة واحد يصبح بوجهة وعاشت عدهم .....
اما الساحرة منالفرحة گعدت الصبح وهم خلت مكياج او وگفت گدام المراية مسيطرة وگلتلة للجني ها منواحلة وحدة هسة
... صفن الجني چان يكللها انتي الحچي بعد ميفيد وياچ لان الاثول يظلاثول لو يصعد للقمر هاي شنو داخت الساحرة چان تكلة اي مو كتلناهة لقطر الندى بعدشكو چان يكللها انتي نايمة ورجلچ بالشمس بابة قطر الندى بالغابة يم الاقزام ودلاهاالمكان وگللها هذا گلب صخلة چان تتخبل وتگللهم جيبوا القاتل اليوم اله انعل والديههالكلب ابن البومة راحو الحراس چان يجون فگلتلهم ها وينة گلولها عمتنة هذا طافر هوةواهلة لمصر ....
فگالت الساحرةالكل زمايل احسن شي اني اتنكر واروح اكتلها وافض المشكلة لان مثل ميگول المثل
((ميجيبهة اله نسوانهة)) فتنكرت مثل اليبيعون تفاح وراحت للغابة ...
مثل كل يومالاقزام راحو للشغل وقطر الندى گعدت من النوم علگت فيروز وشربت استكان چاي وگامتتشتغل فسمعت صوت برة طلعت لگت مرية راگضة عجوز اتصيح
((حبجگاير تفاح)) وقطر الندى نفسهة دنية وام بطن فگالت خلي اشتري تفاحةفصاحت للعجوز الي هية الساحر خااااااالة
خااااااالةفگلتلها العجوز هاي يابعد خاالة فگلتلهة اريد تفاحة فأنطتهة تفاحة بس شنو هايالتفاحة مسمومة من تاكلهة قطر الندى تموت فالساحرة مو انطتهة التفاحة جان تطفروفاتتسندرلا
... شنو سندرلا قصدي قطر الندى فاتت للبيت واكلت التفاحة وهيه گاعد تشتغلداخت وگامت تفتر الدنيا بيها چان تخرب ما ادري ماتت شمعرفني هوة اني قابل طبيبيالله كلهة چذب... المهم المغرب رجعوا الاقزام وفاتو للبيت فلگوا ريحة الاكل محروگوالمسجل معلوگ فگال واحد اهووو گامت تشّربت بالشغل من امنّت انسكنهة يمنة فصاح الاخالچبير مالتهم هاي وينهة فدوروا عليهة چان همين واحد منهم مثل ذيچ المرة صاح ولكمتعالوا بس صوتة بي رجفة فجوي يركضون وشافوهة صايرة زرگة ومددة على الگع فخلة واحدراسة على صدرهة جان يگول ولك ولك ها ها هاي مممميتة بس شنو هيچ صوتة مال خرعة... فواحد گام يصيح ولچ يمة ليش تموتين وتعوفيني فباوعوا علية چان يكللهم لا هيج مالكمعلاقة من الخرعة... خطية كامو يبچون ويلطمون وحطوهة بتابوت زجاجي وجابو الكيا حتىيروحون يدفنوهة ويا سبحان الله بهاي الاثناء چان الموكب مال امير ديفوت من گدامالبيت فشاف هوسة فسأل شكو فگلة واحد بنية متوفية چان يگله شلون ماتت بعبوة لو مفخخةلو على الهوية چان يگلة ولا وحدة منهن فگلة الامير شلون لعد لتگلي موت الله لانماكو هيج شي بعد چان يگلة لا مولاي متسممة فمن المفاجئة بالموتة گال خلي انزل اشوففالناس وخروا لان الامير نزل والحماية يصيحون تفرق تفرق وقسم يصيحون الما يوخر نرميالمهم الامير شاف على التابوت چان ينصدم من جمالهة فگال اله تفتحولي التابوت فواحدمن الاقزام عاط على الامير هذا الي تريدوا كلهة من ورة خططكم الامنية شوف وينالامان فأندار الامير على الحماية وكللهم هذا منين گلوله منعرف بس يمكن اخوهة المهمفتحوا التابوت وساد السكوت وتقرب الامير ولزمهة لسندرلا اهو قصدي قطر الندى والعالمصافنة هذا شديسوي الخبل چان يقرب شفتة من شفتهة بكل رومانسية فواحد من الناس عاطعلى الامير وگلة انت خبل مدا اتشوفهة ميتة هية مال تنفس اصطناعي جان الامير يگلةانچب هوه منو كلك دا اسوي تنفس اصطناعي چان يگله لعد هية مال بوس بهذا الزلك الاميرمجاوبة وچان يبوسهة وظل مچلب بالبوسة والعالم صافنة وچررررب چان تحرك ايدهة الاميرفز ورجع ليورة والعالم كامت تصيح الله مصلي على محمد وال محمد والهلاهل اشتغلتالمهم گعدت قطر الندى باوعت فصارت عينهة بعين الامير ووبتسمت بس مو حيل جان علىغفلة واحد يصيح ستوب چان يگللهة عيني سوسن صارنة سنة نمثل وبعدين هيج تبتسمين باباطلعي سنونچ شكم مرة گتلج هاي دعاية مال معجون اسنان وعادوا التمثيل من جدة وجديد
.
